Home / مستقل سلسلے / انگلش سے کیا رنجش / انگلش سے کیا رنجش ۔ تیسویں قسط

انگلش سے کیا رنجش ۔ تیسویں قسط

ضروری نوٹ: یہ سلسلہ بنیادی انگلش کو کم وقت میں سیکھنے کے لئے ترتیب دیا گیا ہے۔ جو دوست اس سلسلے کی یہ پوسٹ پہلی بار پڑھ رہے ہیں، ان کو چاہیئے کہ وہ پہلے پچھلی پوسٹس کو اچھی طرح پڑھ لیں تا کہ وہ آج کے سبق کو اچھی طرح سمجھ پائیں۔ پچھلی تمام پوسٹس کے لنکس اس پوسٹ کے آخر میں دے گئے ہیں۔ تاہم اس کے باوجود بھی سبق کو سمجھنے میں کوئی دشواری ہو تو کمنٹ میں سوال کر سکتے ہیں۔

 

فعل ماضی مکملPast Perfect Tense (2P):

(2P) کے سنٹینسز میں یا تو ایڈورب اف ٹائم استعمال کیا جاتا ہے یا پھر مرکب جملے(کمپاؤنڈ سنٹینسز) بنائے جاتے ہیں۔

 

ایڈورب آف ٹائم(Adverb of Time) کا استعمال:

٭ ایڈورب آف ٹائم “آلریڈی(already)” کو عموما “شووکس(S.H.V.O.X)” فارمولے میں وَرب(V) سے پہلے استعمال کیا جاتا ہے۔ مثلاً

میں(S) پہلے ہی(adverb) وہ کتاب(O) پڑھ چکا تھا(V)۔

I(S) had(H) already(adverb) read(V-PasP) that book(O).

وہ(S) پہلے ہی(adverb) چڑیاگھر(O) کی سیر کر چکے تھے(V)۔

They(S) had(H) already(adverb) visited(V-PasP) the zoo(O).

٭ باقی ایڈوربز آف ٹائم کو “شووکس(S.H.V.O.X)” میں اوبجیکٹ(O) کے بعد بطور ایکسٹینشن(X) استعمال کیا جاتا ہے۔ مثلاً

ہم(S) شام سے پہلے(adverb) شام کا کھانا(O) کھا چکے تھے(V)۔

We(S) had(H) had(PasP) dinner(O) before the evening(X-adverb).

آپ(S) چار بجے تک(adverb) اپنا کام(O) ختم کر چکے تھے(V)۔

You(S) had(H) finished(V-PasP) your work(O) till four o’clock(X-adverb).

کھلاڑی(S) تب(adverb) میچ(O) کھیل چکے تھے(V)۔

The players(S) had(H) played(V-PasP) match(O) then(adverb).

مرکب جملوں(Compound Sentences) کو سمجھنے سے پہلے کلاز(Clause) کو سمجھ لینا ضروری ہے۔

 

کلاز(Clause):

“کسی سنٹینس کا وہ حصہ جو اپنا سبجیکٹ(Subject) اور پریڈی کیٹ(Predicate) رکھتا ہو(یعنی خود ایک سنٹینس ہو)، کلاز کہلاتا ہے۔”

٭ کلاز کی مثالیں(Examples) نیچے ملاحظہ کریں۔

مرکب جملہ(Compound Sentence):

“ایسا سنٹینس جس میں دو کلازز کو ملایا گیا ہو، کمپاؤنڈ سنٹینس کہلاتا ہے”۔

یا دوسرے الفاظ میں یوں بھی کہا جا سکتا ہے:

“ایسا سنٹینس دو سنٹیسز پر مشتمل ہو، کمپاؤنڈ سنٹینس کہلاتا ہے۔”

 

مثالیں(Examples):

میں ایک طالب علم ہوں جب کہ وہ ایک کھلاڑی ہے۔

٭ “میں ایک طالب علم ہوں” ، “وہ ایک کھلاڑی ہے” دونوں اپنا مکمل مطلب رکھتے ہیں یعنی سنٹینسز ہیں۔ دونوں کو کنجنکشن “جب کہ” سے ملایا گیا ہے اس طرح دونوں مل کر ایک “کمپاؤنڈ سنٹینس” بن گئے ہیں۔

وہ کھیل رہے تھے اور ہم پڑھ رہے تھے۔

٭ “وہ کھیل رہے تھے” ، “ہم پڑھ رہے تھے” دونوں اپنا مکمل مطلب رکھتے ہیں یعنی سنٹینسز ہیں۔ دونوں کو کنجنکشن “اور” سے ملایا گیا ہے۔ اس طرح دونوں مل کر ایک “کمپاؤنڈ سنٹینس” بن گئے ہیں۔

جب ہم گھر سے نکلے، بارش شروع ہو چکی تھی۔

٭ “ہم گھر سے نکلے” ، “بارش شروع ہو چکی تھی” دونوں اپنا مکمل مطلب رکھتے ہیں یعنی سنٹینسز ہیں۔ دونوں کو کوما “،” سے ملایا گیا ہے۔ اس طرح دونوں مل کر ایک “کمپاؤنڈ سنٹینش” بن گئے ہیں۔

پوسٹ کو زیادہ طویل ہونے سے بچانے کے لئے پاسٹ پرفیکٹ ٹینس(2P) کے مرکب جملے(کمپاؤنڈ سنٹینسز) بنانا اگلے سبق میں سکھائے جائیں گے۔

 

٭ سیکھنے کے لیے سوال یا سوالات کیے جا سکتے ہیں۔

٭ اہلِ علم بہتری کی تجاویز دے سکتے ہیں۔

About انعام الحق

انعام الحق صاحب کا تعلق پاکستان کے مشہور صنعتی شہر فیصل آباد سے ہے۔ آپ درس و تدریس اور تحقیق کے شعبہ سے وابسطہ ہیں۔ ریاضی اور فزکس سے خصوصی دلچسپی رکھتے ہیں۔

Leave a Reply

Your email address will not be published.