Home / اردو ادب / شاعری / شبِ وصال پہ لعنت،شبِ قرار پہ تُف (منصور آفاق)

شبِ وصال پہ لعنت،شبِ قرار پہ تُف (منصور آفاق)

شبِ وصال پہ لعنت،،،،،،،،، شبِ قرار پہ تُف
تيرے خیال پہ تُھو،،،،،،، تیرے انتظار پہ تُف

وہ پاؤں سوگئے،،، جو بے ارادہ اٹھتے تھے
طواف کوچهء جاناں پہ ،،،، کوئے یار پہ تُف

تجھ ایسے پھول کی خواہش پہ بارہا لعنت
بجائے خون کے رکھتا ہوں نوکِ خار پہ تُف

دلِ تباہ کو،،،،،، تجھ سے بڑی شکایت ہے
اے میرے حسنِ نظر ! تیرے اعتبار پہ تُف

پہنچ سکا نہیں اس تک جو میرے زخم کا نور
چراغ خون پہ تُھو،،،،،،،،، سینهء فگار پہ تُف

ہیں برگِ خشک سی شکنیں خزاں بکف بستر
ميرے مکان میں ٹھہری ہوئی،،،،، بہار پہ تُف

کسی فریب سے نکلا ہے جا مٹھائی بانٹ
تيرے ملال،،،،، تيری چشم اشکبار پہ تُف

تجھے خبر ہی نہیں ہے کہ،،،، مرگیا ہوں میں
اے میرے دوست، تيرے جیسے غمگسار پہ تُف

یونہی بکھیرتا رہتا ہے دھول آنکھوں میں
ہوائے تیز کے اڑتے ہوئے،،،،،، غبار پہ تُف

خود آپ چل کے ميرے پاس آئے گا کعبہ
مقامِ فیض پہ بنتی ہوئی، قطار پہ تُف

حیات قیمتی ہے خواب کے دریچوں سے
رہِ صلیب پہ لعنت ،،،، فراز دار پہ تُف

صدا ہو،، صوتِ سرافیل تو مزہ بھی ہے
گلے کے بیچ میں اٹکی ہوئی پکار پہ تُف

جسے خبر ہی نہیں ہے پڑوسی کیسے ہیں
نمازِ شام کی،،،، اُس عاقبت سنوار پہ تُف

ميری گلی میں اندھیرا ہے کتنے برسوں سے
امیرِشہر،،،،،،،،،،،، تیرے عہدِ اقتدار پہ تُف

تيرے سفید محل سے جو پے بہ پے ابھرے
ہزار بار،،،،،، انہی زلزلوں کی مار پہ تُف

تيرے لباس نے دنیا،،،،، برہنہ تن کر دی
تيرے ضمیر پہ تُھو، تیرے اختیار پہ تُف

سنا ہے چادرِ زہرا کو،،،،،، بیچ آیا ہے
جناب شیخ کی دستارِِ بدقمار پہ تُف

تُو ماں کی لاش سے اونچا دکھائی دیتا ہے
تيرے مقام پہ لعنت،،،،،،،، تيرے وقار پہ تُف

ميرے گھرانے کی سنت،،، یہی غریبی ہے
تيرے خزانے پہ تُھو مالِ بے شمار پہ تُف

یہی دعا ہے تيرا سانپ پر قدم آئے
ہزار ہا تيرے کردارِ داغ دار پہ تُف

کسی بھی اسم سے یہ ٹوٹتا نہیں منصور
فسردگی کے سلگتے ہوئے،، حصار پہ تُف

منصور آفاق

 

About محمد سلیم

محمد سلیم ایک کمپیوٹر پروگرامر ہیں اور ایک سافٹ وئیر ہاوس چلا رہے ہیں۔ سائنس خصوصا فلکیات پر پڑھنا اور لکھنا ان کا مشغلہ ہے۔ ان کے مضامین یہاں کے علاوہ دیگر کئی ویب سائٹس پر بھی پبلش ہوتے ہیں۔

Leave a Reply

Your email address will not be published. Required fields are marked *